率先試食Haagen-Dazs™雪糕月餅
超超超開心出席<哈根達師>的雪糕月餅試食活動，實不相瞞我真係超愛食雪糕！！hahaha
創新彩繪雪糕月餅 <月滿心意>
雪糕口味:
朱古力配黑朱古力脆皮
呍呢嗱配白朱古力脆皮
仲夏野莓雪糕配牛奶朱古力脆皮
士多啤梨味配粉紅朱古力脆皮
「月滿心意」（六件裝）和「玲瓏心意」（四件裝）以花卉彩繪為主題，一破傳統，月餅造型加插色彩繽紛的彩繪圖案和立體朱古力花卉設計；今年包裝設計更特別加入了中國雲南名畫家李怡蓉女士的畫作，未食已經令我心花怒放！！！
上碟啦！
我選中左朱古力配黑朱古力脆皮，好香濃的朱古力，雪糕質感好滑！最驚喜的是連外層的黑朱古力脆皮都好正！（唔會好似平時蛋糕生日牌的怪怪味道）
作為一個<雪糕控>加上未食lunch，我唔洗3分鐘已經KO整件雪糕月餅，失禮哂！><
有幸運兒選中特別版的流芯果醬的雪糕月餅，更獲得獎品！
可惜，這些機會不是屬於我的～
三明治雪糕化身月餅 ＜圓 滿 臻 萃＞
雪糕口味: 呍呢嗱、仲夏野莓、焦糖
鬆脆的威化做月餅的外層，包著皇牌口味的雪糕，兩種食材配起上來，口感又脆又軟！我最鍾意係個冰袋，ｄ花花圖案好靚呀，平時仲可以用黎裝雪糕！！
大盒有十件裝「圓月臻萃」，有呍呢嗱和仲夏野莓和焦糖兩款口味，每款五個; 九件裝「圓滿臻萃」，有呍呢嗱、仲夏野莓和焦糖三種口味，每款三個；而小盒有四件裝「晶瑩臻萃」，包括仲夏野莓及呍呢嗱兩款口味各兩個。
立體牡丹朱古力造型 ＜九 星 映 月＞
雪糕口味: 比利時朱古力、朱古力、咖啡、呍呢嗱、仲夏野莓、焦糖脆餅、士多啤梨、夏威夷果仁、曲奇呍呢嗱
焦點一定係比利時朱古力口味的「牡丹」，精心綴刻的立體牡丹典雅高貴，香濃的比利時朱古力雪糕配以黑朱古力脆皮，層層滋味軟滑，朱古力迷不能錯過！「牡丹」與圍著她的九個小月餅互相輝映，餅上印有不同蝴蝶在花間翩翩起舞的彩繪圖案，構圖很有詩意。
殿堂級禮盒 ＜金 醉＞
雪糕口味: 比利時朱古力mix咖啡、呍呢嗱mix芒果雪菓、朱古力、咖啡、士多啤梨芝士、夏威夷果仁、焦糖脆餅、士多啤梨、比利時朱古力
Häagen-Dazs™推出全球900盒限量發售的「金醉」雪糕月餅禮盒，簡直係殿堂級送禮之選。「金醉」盒內共十五件精緻雪糕月餅，分別以3D立體和彩繪朱古力技術，在每個月餅上繪造出栩栩如生的吉祥圖案，部分小星更以金箔和金珠作點綴，好奢華！！
「金醉」名乎其實，令人心醉。靚到唔值得食！
「金醉」主角為首次推出的夾層雪糕月餅－比利時朱古力mix咖啡口味，兩種口味在味蕾上相遇交融，極盡享受！
咖啡好香，唔會有苦味，讚！
另一呍呢嗱雪糕月餅口味更內有乾坤，鬼馬地內藏「蛋黃」（芒果雪菓），食落甜甜酸酸，好fresh的感覺。好期待佢下年出「雙黃」、「三黃」月餅呢^^
現凡購買金醉禮盒，可於2013年8月19日至9月11日期間預訂免費本地送貨服務一次。
額外優惠
購買任何雪糕月餅禮券2張或以上，每盒送單球雪糕券1張；
渣打或MANHATTAN信用卡客戶購2盒或以上，即可每盒獲贈迷你3球雪糕劵1張；
每買5盒，更額外獲贈「Thank You Gift 」1套。每套包括4張單雪糕雪券及1張$30 現金劵，價值$174。
食完月餅都係未夠喉，自製返個雪糕甜品先！
材料首選Häagen-Dazs™的焦糖脆餅，係我全家的至愛！雪糕本身有好香的焦糖味，仲mix左好多外層以焦糖包住的脆餅碎，脆餅由於有焦糖包住，依然keep到好脆口，唔會好似平時oreo曲奇雪糕咁淋哂！
再將急凍蛋糕切粒，加入雪糕球就完成啦！！
官方網頁:
飲食 @ 率先試食Haagen-Dazs™雪糕月餅 月亮傳奇．多彩中秋
-----------------------------------------------
你肯KEEP住睇, 我肯KEEP住寫!
contact me: twentyonestyle@yahoo.com.hkhttp://twentyonestyle.blogspot.hk/
http://twentyone.theztyle.com
http://blog.she.com/twentyone
http://blog.qooza.hk/twentyonestyle
http://www.openrice.com/restaurant/userinfo.htm?userid=756192
沒有留言:
張貼留言