飲食 @ 大澳閒遊（二）

今日最少包左幾打雲吞, 個鼻無晒感覺, 救命!

  

食完‘東方小祇園’，就行返去大澳的好多小食手信的鬧市區繼續搵野食！

車站豆腐花

一入到鋪坐下，感覺好似去左朋友屋企，牆上每個角落都貼滿兒女生活照、小朋友木顏色畫，甚至旅行的紀念品都放晒出黎…

 

店舖以家庭式經營，價錢都係走親民路線。

 我地清一色叫了凍豆腐花，一碗碗外表完好平滑、雪白的豆腐花好快就上枱，全部都無預先加糖水，糖水自己加，鍾意幾甜自己決定！

  

店內有薑汁糖水及黃糖碎供客人選擇，對於本身喜愛薑味的朋友都覺得薑汁糖水的薑味不太濃。

 

有豆香，這間豆腐花又真係幾滑，凍食更有透心涼的感覺！消暑佳品！但因為凍食的關係，黃糖唔溶，食落會有一粒粒野！

 

有些朋友總喜歡搞碎豆腐花才食，我就覺得好核突！

平均每人消費：$9

地址：大澳永安街57號

TIPS：食凍豆腐花唔好落咁多黃糖碎。下次有機會會試下熱豆腐花。

 

再行左大約50米，見到有‘炭燒雞蛋仔’，好似幾吸引，就買左一底試下！

$15一底，雞蛋仔即叫即整，大約等左10分鐘，唔所謂啦，食好野係要等嘅！

終於有等食啦，雞蛋仔超級熱辣辣，聞落亦好香呀！！！

味道方面呢…

真係雞蛋仔不可貌相，係唔好食的，完全中伏！外層唔係特別脆，內層粉漿仲好似唔熟咁，亦食唔出有炭燒的味道，相比之下，我覺得平時旺角的雞蛋仔好食好多！

但無理由同網上的評價差咁遠黎wor，之後上網一查，原來這間‘炭燒雞蛋仔’同‘大澳炭燒雞蛋仔叔叔’係兩間唔同的店舖黎嫁，大家下次去要搵清楚啦！

行行下見到有間賣自家製涼茶同糕點的小店。

 

最吸引我地的係以下三種糕點：黑芝麻糕、椰汁糕、桂花糕！

 

$12一盒，有齊3隻口味！桂花糕好香，唔會太甜；芝麻糕咬落去芝麻味好出色，煙靱好吃，仲有after taste；椰汁糕有3層，上下層係黃糖味，中層係椰汁味，甜度適中，值得一試！

  

 食飽就展開全日最期待的活動：塔船環遊大澳＋出海睇中華白海豚

 有「東方威尼斯」美譽的大澳水鄉棚屋景色








早幾個月前大澳發生火燒棚屋的遺址，部分棚屋燒至只餘下支架

向大海出發，找尋中華白海豚！大家超hyper！船長揸得超快，海風吹到頭髮也亂了！

 由警察局改建而成的大澳酒店
 

當日天氣好好，我地成功近距離地睇到3次中華白海豚上水面抖氣，2次粉紅色，1次灰色帶少少粉紅色！忍唔住大叫Gwiyomi！哈哈！

中華白海豚，主要生活在熱帶及溫帶沿岸水域，經常在鹹淡水交界出現，剛出生的中華白海豚呈黑色，年青時呈灰色，成年的則會呈可愛的粉紅色。

佢地的動作同速度太快，快到連魚尾都影唔到！只好上網搵張中華白海豚相比大家！（圖片轉載自互聯網）

 

下篇繼續講闖入大澳居民屋企同海鮮晚餐！

飲食 @ 大澳閒遊（二）
-----------------------------------------------
你肯KEEP住睇, 我肯KEEP住寫!
contact me: twentyonestyle@yahoo.com.hk

http://twentyonestyle.blogspot.hk/
http://twentyone.theztyle.com
http://blog.she.com/twentyone
http://blog.qooza.hk/twentyonestyle
http://www.openrice.com/restaurant/userinfo.htm?userid=756192