旅遊@關西賞櫻遊記--大阪京都酒店Review

9天的大阪京都之旅, 正值復活節長假加上關西櫻花盛開的旺季, 真係連日本人都投訴訂唔到酒店=='' 9天內分別入住了4間酒店, 先來一個review吧! 很抱歉大部分酒店都無相片, 只有文字記錄!

1. 大阪難波區的Ark Hotel Osaka

這是連鎖式的酒店, 地點正正位於長堀橋地鐵站(即心齋橋過一個站或者日本橋過一個站)的4號出口, 一出地鐵就等於返到酒店! 包保晚上都不會迷路！如果步行去心齋橋商店街大約8分鐘左右! 酒店對面有2間24小時日式食店, 附近亦有其他食店(不是24小時營業), 又有Mos burger, 同7-11! 走多10分鐘, 仲有supermarket！某一兩個職員懂英文, 禮貌很好(每次行過lobby都同你90度鞠躬), 幫我set wifi!

房間很乾淨，空間亦係日本標準-->細，連洗臉用品同落妝油(DHC)都有提供！細心位！

經酒店官網預定會送樽裝水和早餐的！早餐真係好滿意100分，享用早餐的地方裝修好靚的，食物日式＋西式很多選擇，而且有2-3菜式是每天都不同的！

日式: 納豆, 薯仔沙律, 燒三文魚, 明太子, 甜蛋卷, 咖哩飯, 味噌湯, 日式栗米湯, 日式關東煮, 小丸子, 日式炒面, 大阪燒, 豆腐...

西式: 滑蛋, 腸仔, 火腿, 茄汁意粉, 面包幾款...

水果: 菠蘿，西柚

乳酪是自家製的, 原味無糖, 質感濃厚, 另加水果, 最欣賞這食品！每日都食一大碗！

4月櫻花旺季入住果幾日見到的大部分住客都係日本人(好多西裝友), 難得在大阪難波不用聽到普通話！另一賣點:  中午12點先check out！

今次大阪旅程入住Ark Hotel Osaka5日，真心好舒適，而且比起心齋橋附近的酒店便宜, 真心推薦！

Website: http://www.ark-hotel.co.jp/osaka/

2. 京都三条區的京都花宿  Kyoto  Hana Hotel

因為好想在京都住下, 睇下夜櫻, 近出發前執到好雞, 位於京都三条的Hana Hotel, 三条地鐵站行3分鐘就到(大街, 好易搵)。距離最最最多人的遊客區祇園相距一個地鐵站，行去花見小路只要5-8分鐘, 行去鴨川只係3分鐘！酒店樓下就有一間便利店，方便得很！

房間新淨，光線空足，空間大(除左浴間都係好細), 開左個行李仲有好多位行, 我訂的房不包早餐! check in 搞左好耐, 明明我無行李暫存, 個女職員係都話我有行李, HELP!!之後有個普通話超級流利的職員幫我順利完成check in!

仲有5選1的浴鹽贈送, 浴缸好細好短(要曲腳), 浸得唔舒服!

Hana Hotel的職員禮貌都很好! 附近仲有兩間單車出租店, $1000yen一日

祇園的酒店房價太貴太多, 只相距一個地鐵站的Hana Hotel是一個不錯的選擇!(如果幸運地訂到房的話^^)

Website: http://www.kyotohanahotel.com/

3. ホテル京都エミナースKyoto Eminence Hotel 京都洛西區的竹之鄉溫泉酒店(中文我譯的)

其中一個再去日本的理由必定是嘆溫泉酒店！！！本來想訂嵐山的溫泉酒店，可惜太貴(索價$2xxx/人/晚), 好彩地在Jalan.net搵到Kyoto Eminence Hotel，價錢比起嵐山的其他溫泉酒店平一半以上，有西式房和日式房供應！

這酒店只限於官網或Jalan.net訂房，其他訂酒店的網站好似agoda, expedia等係搵唔到這酒店的資料！大概只做本地人生意？

為左入住Kyoto Eminence Hotel，做左好多功課，事前要睇日文官網，又睇巴士到站表...全部都只有日文資料，仲要得好少資料><...睇睇下google map，原來酒店附近有櫻花秘景，嘩！唔理咁多，一定要入住！

講講點去先！酒店位置好郊區，先去阪急''桂''站西出口的巴士站，搵西1/ 西2/ 西5的巴士站，上其中一巴士，要搭25分鐘巴士到境谷大橋站下車(酒店正正位於境谷大橋站)

終於到左check in啦! 職員只懂英文單字, 要用紙字寫出黎溝通, 不過佢都係唔明我問D嘜!算啦~

我入住西式房, 燈光偏暗, 空間很寬敞, 日式酒店來說是偏大的, 半落地式的觀賞窗口, 窗外有一個小型的空中花園, 更意外地睇到日出!

入住酒店Kyoto Eminence Hotel可以無限之享用溫泉設施, 溫泉區同酒店區好似雙子塔咁, 中間有一層(即係我住果層)有通道連接的! 溫泉分有男女湯就必然啦, 仲有室內和露天風呂大約5個池! 溫泉出口有食堂, 提供簡單輕食, 又有飲品和休息區!

從酒店步行一分鐘就見到高島屋百貨公司, 有supermarket, 100yen店, food court, 餐廳等等! 佢個1泊2食plan包的晚餐係由頭盤到甜品一碟一碟咁上菜，每碟得一件好精緻，全程有專人服侍，每一碟都會有少少竹荀的食材, I don't like竹荀！我記得有魚生片，牛排，天婦羅，一Ｄ菓子，茶碗蒸，煮物等等。早餐係自助式，芝士焗薯仔好好食, 仲會不停新鮮出爐的！就算唔選1泊2食plan都完全無問題! 仲有溫泉食堂作消夜!

酒店旁邊就是小畑川櫻花秘境, 完全值回票價! 仲發現有一旁好多楓樹, 秋天一定勁靚!!!

如果行程鬆動, 又計劃去嵐山玩下(桂站去嵐山好近), 又想浸溫泉, Kyoto Eminence Hotel真係必推!

Website: http://k-eminence.com/

4. Namba Plaza Hotel Osaka大阪難波區的難波廣場酒店

頭8日入住的3間酒店太美好, 點知最後一晚竟然入住極品酒店, 落差太大!

出發前因為某些原因轉左機票, 要book多一晚酒店...當時大部分酒店都full了, 包括art hotel啦! 求其見到Jalan.net 中 Namba Plaza Hotel Osaka大阪難波廣場酒店幾平, 又近南海難波站, 咁就訂左啦~

地理位置不錯, 樓下有Lawson, 又近黑門市場, 行5分鐘就到南海難波站!

我一早到達酒店暫存行李, 大約7點再返去check in, 已經幫我搬左行李入房!勁好! 不過...幻滅要開始...由大堂行去搭Lift條路好黑好暗, 仲要好似神枱用果D紅色燈......好恐怖下...

打開房門, 嘩~好殘, 地下好多塵!!!!!!!!! 
正想將剛買的甜品放入雪櫃時, 頂....無開!! 雪櫃上貼左張日文通告, google translate大致上話房內的雪櫃不會接駁電源......我仲買左3文治同果汁做明日早餐........無奈! 

仲未完...床頭有盞燈, 正確黎講舖滿了塵的床頭燈, 舖滿了塵的電視remote, 好啦, 盡量唔好掂佢地, LALA林去沖涼....個抽氣好嘈, 馬桶充滿黃漬都算! 想開熱水果陣見到浴缸個水龍頭夾住左條''孿毛''!!!!!!咩事呀大佬! 仲話係女性專用房! 真係接受唔到!! 

當時已經1點幾, 算~快快趣趣沖完快D訓啦! 喂呀~~~~ 張被有煙頭Loan, 又好黃! 救命呀! 終於訓低, 望上天花板...頂! 好多塵o係上面!!!隔黎房班韓國妹仲係咁傾計, 隔音好差, 正確黎講係無隔音的! 隔黎房沖涼水聲, 電視聲, 傾計聲, 連電話用咩鈴聲都通通一清二楚!

老老實實! 訓機場都好過訓Namba Plaza Hotel Osaka的毛毛塵房!

Website: http://www.nambaplaza-hotel.jp/

-----------------------------------------------
你肯KEEP住睇, 我肯KEEP住寫! 
contact me: twentyonestyle@yahoo.com.hk
http://twentyonestyle.blogspot.hk
http://twentyone.theztyle.com
http://www.weshare.hk/twentyone
http://blog.ulifestyle.com.hk/blogger/twentyone/
http://blog.she.com/twentyone
http://blog.qooza.hk/twentyonestyle
http://www.openrice.com/restaurant/userinfo.htm?userid=756192